PRO-3: Krimen sa Gitnang Luzon bumaba

LUNGSOD NG SAN FERNANDO, Pampanga — Iniulat ng Police Regional Office III (PRO-3) ang 6.33% na pagbaba ng insidente ng "focus crimes" sa Gitnang Luzon mula Enero 1 hanggang Pebrero 22, 2025.

Umabot sa 444 na kaso ang naitala—mas mababa ng 30 insidente kumpara sa 474 na kaso sa kaparehong pangyayari noong nakaraang taon.

Ang mga "focus crimes" ay kinabibilangan ng pagpatay, homicide, pananakit, panggagahasa, pagnanakaw, pagdukot ng sasakyan, at iba pang mabibigat na krimen.

Ayon kay PRO-3 Director Brigadier General Jean Fajardo, ang pagbaba ng krimen ay resulta ng mas mahigpit na seguridad, kabilang ang pagpapatupad ng gun ban, mas pinaigting na mga checkpoint, at mga makabagong operasyon upang mahuli ang mga kriminal.

Mula nang ipatupad ang gun ban ngayong taon, nakumpiska na ng pulisya sa Gitnang Luzon ang 187 iba't ibang uri ng armas at pampasabog at inaresto ang 190 indibidwal na lumabag sa batas.

Binigyang-diin din ni Fajardo na patuloy ang PRO-3 sa pagpapanatili ng kapayapaan at kaayusan, lalo na sa nalalapit na halalan.